Гадаад өвчтөнүүд, БНСУ-ын эрүүл мэндийн үзлэг эмчилгээнд өгсөн оноо?

Эрүүл мэндийн үйлчилгээнд ерөнхийдөө "сэтгэл хангалуун" ... дэлгэрэнгүй эмчилгээний тайлбар "дутмаг", 2015 оны гадаадын өвчтөний сэтгэл ханамжийн судалгааы үр дүн

Өнгөрсөн жил Солонгост эрүүл мэндийн үзлэг эмчилгээ хийлгэсэн гадаадын өвчтөнүүд Солонгосын эрүүл мэндийн үйлчилгээнд ерөнхийдөө сэтгэл хангалуун байсан гэсэн судалгаа гарсан байна. Гэвч  эмчилгээний үр дүн, өндөр эмчилгээний төлбөрийн талаарх тайлбар хангалтгүй байсан гэж цохон хэллээ.

БНСУ-ын Эрүүл мэндийн салбарын хөгжлийн хүрээлэнгээс гадаадын өвчтөнд хийсэн "2015 оны гадаад өвчтөний сэтгэл ханамжийн судалгааны тайлан гаргасан байна.

Тайлангаас үзэхэд, судалгаанд оролцсон гадаад хүмүүсийн АНУ 159хүн,  Япон, 64 хүн, Хятад 199 хүн, Монгол 39хүн нийт 677 хүн оролцсон байна.

Энэ өвчтөнүүд Солонгосын эмнэлгийг сонгосон нь гэр бүл, найз нөхдийн саналын дагуу юмуу интернэтээр хайн өөрөө сонгосон 71% (549 өвчтөн) хамгийн их байна. Аялал болон зуучлагч агентлагын шугамаар ирсэн  9.4% (73 өвчтөн), засгийн газар хоорондын гэрээгээр ирсэн 7.6% (59 өвчтөн) байна.

Солонгосын эмнэлгийг сонгох болсон шалтгааны тухай асуултанд эмнэлгийн технологи чанар(62.2%) хамгийн чухал хүчин зүйл болсон гэж өгүүллээ. Эмчийн чадвар (21.3%), эмнэлгийн тоног төхөөрөмж (21%), гадаад хэлний үйлчилгээ (14.5%) зэрэг үзүүлэлтүүд ч мөн  бас нэг чухал элемент гэж үзсэн байна.

БНСУ-ын эмнэлэг, эмчилгээний түвшинг асуусан асуултанд дунджаар 88.8 оноотой гарсан ба гадаад өвчтөнүүд Солонгосын эрүүл мэндийн түвшинг хүлээн зөвшөөрсөн нь тогтоогдсон байна.

▲  Гадаад өвчтөн Солонгосын эмнэлэг, эмчилгээний талаарх сэтгэл ханамжын судалгаа:

БНСУ-ын эмнэлгийн тухай сэтгэл ханамжын талаар 677гадаад өвчтөн дунджаар 90.5 оноогоор сэтгэл хангалуун байдаг гэж хариулсан байна. Эдний дунд амбулаторийн үзлэг хийлгэсэн өвчтөнүүд сэтгэл ханамж хамгийн өндөр байсан бөгөөд эмнэлэгт хэвтэн эмчлүүлэх, гоо сайхан,амбулатор үзлэг, эрүүл мэндийн шинжилгээ гэсэн дарааллаар сэтгэл хангалуун байгаагаар гарсан байна. Улс тус бүрээр үзвэл Хятад, Монгол улсын өвчтөнүүд хамгийн өндөр үзүүлэлттэй гарсан байна.

Ангилал тус бүрээр харвал эмнэлэгийн тав тухтай цэвэр орчин (91.4), эрүүл мэндийн үйлчилгээ (90.7 оноо),  эмнэлэгийн амьдрал (90.5 оноо), мэдээллээр хангах, сургалт (90.3 оноо) гэсэн дараалалтай байна. Эмнэлэгийн төлбөр 89.5 оноогоор хамгийн бага сэтгэл ханамжын оноо авсан байна.

Солонгост дахин эмчлүүлэхээр хандах өвчтөн нь бүх өвчтөний 91.6% -тай гарсан бөгөөд  Солонгос эмнэлэгийг санал болгох хүсэлтэй гадаад өвчтөн 92.2% -н үзүүлэлттэй гарсан байна.

Нөгөө талаар гадаад өвчтөнүүд Солонгосын эмчилгээ, үйлчилгээг сайжруулах тал дээр эмчилгээний дараа үр дүнг дэлгэрэнгүй тайлбарлаж өгөхийг хамгийн их сонгосон байна.  Үүнд өөрийн өвчин болон байдлын талаар дэлгэрэнгүй тайлбар, хүлээлгийн цаг, эмнэлэгийн хоолны цэс болон амт зэргийг дурьдсан байна.

Холбогдох албаны хүний дүгнэлтээр " Гадаад өвчтөн нь Солонгосын эмчийн мэдлэг мэргэжлийн чадвар, эмнэлэгийн тоног төхөөрөмж зэрэгт сэтгэл хангалуун байдаг" бөгөөд "харин эмчилгээний явцын талаарх тайлбар дутмаг, үзлэгийн цаг бага зэрэг эмчилгээний үйл явцын талаар тодорхой ойлголт дутмаг байдаг" гэж тэр хэлсэн байна.

Үүний тулд цаашид орчуулагчийн орон тоог нэмэгдүүлэх эмчилгээний шат тус бүрийн дэлгэрэнгүй мэдээллийг орчуулгын үйлчилгээний систэмээр дамжуулан хүргэхийн тулд энэхүү системийг улам сайжруулах хэрэгтэй гэж цохон хэллээ.

Түүнчлэн холбогдох албан ажилтан нь "Зарим нэг өвчтөний хувьд эмчилгээний төлбөр үнэтэй байна гэж бодож байгаа нь эмчилгээний төлбөрийн талаар дэлгэрэнгүй тайлбар хангалтгүй байгаатай холбоотой гэж үзэж байна" гэлээ. Мөн "дотоодын эмнэлэгүүд эмчилгээ тус бүрийн эмчилгээний төлбөрийн талаар заавар удирдамж бэлдэн, гадаад өвчтөнд чиглэсэн эмчилгээний төлбөрийн талаарх дэлгэрэнгүй мэдээлэл болон танилцуулгаар хангах ёстой "гэж тэр хэлсэн байна.

Засгийн газарч мөн гадаад өвчтөний онцлогийг харгалзан үзэж олон улсын түвшиний эрүүл мэндийн стандартыг бэлтгэх хэрэгтэй гэж нэмж хэлэв. Мөн холбогдох албаны ажилтан нь "Өмнөх шалгуурыг хангасан эмнэлэгийн байгууллагуудад үнэлгээ тогтоон олон төрлийн үйлчилгээнүүдийг бий болгон, олон улсын түвшинд тохирсон эрүүл мэндийн үйлчилгээний чанарыг сайжруулан урагшлах ёстой " гэж тэр хэлсэн байна.