Хууль хэрэгжилтийн дагуу гадаад өвчтөний эрх болон аюулгүй байдлыг хамгаалах Солонгосын эрүүл мэндийн салбар, эмчилгээний талаарх итгэл найдварыг өгөхийн тулд ▲ Гадаад өвчтөний бодит шимтгэл хувийг мэдэгдэх▲ Гадаад өвчтөний эмчилгээний төлбөрийг ил болгох (9сар) ▲ Хууль бус брокерын ял шийтгэлийг чангатгах (орлогын хэмжээг бүрэн хураан торгох) ▲ Хууль бус брокерын тухай мэдээлэл өгөхөд дээд тал нь 10сая воны шагнал олгох болно.

Түүнчлэн гадаад өвчтөн зуучлах эрүүл мэндийн байгууллага нь эмнэлгийн эрсдлийн хариуцлагын даатгал болон эрүүл мэндийн холбооны нөхөн төлбөрийн даатгалд хамрагдах үүрэгтэй бөгөөд эмнэлгийн зэргээс хамаарч жилийн турш нөхөн олговорын хэмжээ 100сая воноос дээш, нэгдсэн эмнэлэг нь 200сая воноос дээш вон даатгалд бүртгэгдсэн хугацааны турш байлгах ёстой.

Гадаад өвчтөн Солонгос улсад эрүүл мэнд зуучлалын байгууллагаар ая тухтай үйлчлүүлэх орчин нөхцлийг сайжруулахын тулд зохистой арга хэмжээг хэрэгжүүлнэ.

Үүний дагуу эрүүл мэндийн зуучлал эрхэлдэг байгууллагуудыг шалган үнэлгээ тогтооно. Энэ шалгалтын үнэлгээнээс (зургадугаар сарын сүүл) хамаарч 9сараас эхлэн тус үнэлгээний дагуу шилдэг байгууллагуудыг нэрлэнэ. Шалгарсан эрүүл мэндийн байгууллага нь “Баталгаат Эрүүл мэндийн байгууллага” гэсэн тэмдэгтэй БНСУ-ын эрүүл мэндийн туслах төвөөр дамжуулан суртачлах төлөвлөгөөтэй байна.

Өнгөрсөн хугацаанд хязгаарлагдмал байсан, гадаад хэл дээрх эмнэлгийн зар сурталчилгааг ч гэсэн нисэх онгоцны буудал, боомт, гаалийн татвараас чөлөөлөх дэлгүүр гэх мэт 5 газар зөвшөөрсөн байна.

Үүнээс гадна хилийн чанад дахь эрүүл мэнд зуучлалын байгууллагыг өргөжүүлэхийн тулд татварын хууль тогтоомж, дүрэм журамд заасан татварын хөнгөлөлт үзүүлэх түүний дотор эрүүл мэндийн бонд, БНСУ-ын Экспорт-Импорт банкны тухай хууль, БНСУ-ын Хөгжлийн банкны тухай хуулийн дагуу хөрөнгө оруулалт зэрэг мөнгө санхүүгийн дэмжлэг үзүүлнэ.

Хилийн чанад дахь эрүүл мэнд зуучлалын байгууллагыг хариуцан хянахын тулд тухайн эрүүл мэндийн байгууллага заавал мэдэгдэл хийхийг үүрэг болгоно.

Үүний дагуу хилийн чанадад салбараа өргөтгөхөөр бэлдэж буй эрүүл мэнд зуучлалын байгүүллага нь гэрээ хийсэн өдөр болон тусгай зөвшөөрөл авсан өдрөөс хойш 45 хоногийн дотор Эрүүл мэнд, нийгмийн халамжийн яамны сайдад мэдэгдэх ёстой.

Глобал эрүүл мэндийн мэргэжлийн орчуулагчийг бэлтгэх, эрүүл мэндийн орчуулгын чанарыг сайжруулах зэрэг мэргэжлийн бус эрүүл мэндийн үйлчилгээг сайжруулахтай холбогдуулан эрүүл мэндийн орчуулагчийн ур чадварын тестийн систем ирэх 10сараас хэрэгжиж эхэлнэ.

Нийгэм хамгааллын яам Эрүүл мэндийн салбарын бодлогын товчооны захирал Lee Dong Wook   "Ирээдүйд өсөлтийн хөдөлгүүр болох онцгой анхаарал татаж буй Эрүүл мэндийн салбар тэр дундаа  хилийн чанадад салбараа өргөтгөх, гадаад өвчтөнийг татах нь ажлын байр бий болгох том талбар боломж юм "гэж хэлсэн бөгөөд “хуулийн хэрэгжилтийн дагуу бодит үр дүн, боломж хурдсах болно "гэж тэр хэлсэн байна.